AMEA akademik H.Ə.Əliyev adına Coğrafiya institutunun Azərbaycan Dövlət Mükafatı və H.Z.Tağıyev adına Azərbaycan Milli mükafatı laureatı, geologiya-mineralogiya elmləri doktoru, akademik Ələşrəf  Məmmədovun  90 illik yubileyi münasibəti ilə alimin həyatına və elmi fəaliyyətinə həsr olunmuş xatirə kitabı çapdan çıxıb.

Baş redaktoru Coğrafiya institutunun baş direktoru, c.e.d. Zakir Eminovun, tərtibçiləri şöbə  müdirləri – c.ü.f.d. Rəfail Abdullayevin və c.e.d. Yelena Tağıyevanın, eləcə də elmi işçi Əliyar Əliyevin tərtib etdikləri kitabda akademik Ə. Məmmədovun çoxsaylı elmi əsərlərindən bəhs edilir, geologiya və coğrafiya elmləri sahəsindəki elmi, elmi-təşkilatı və elmi-pedaqoji fəaliyyəti haqqında məlumatlar verilir.